JLine Tamil Novels & Stories

Dear Users, Please register your account again if you have trouble to login or You can also email to jbtamil18@gmail.com to register again.

JLine Bookstore Online

கொடிமலர் 11

Subageetha

Well-known member
திருமண நிச்சயம் முடிந்து, சியாவும் ஷ்யாமும் திருமணத்திற்கு தயாராகிவிட்டார்கள்.
நடுவில் இரண்டு முறை ராம் உடனான சந்திப்பு. ராமிற்கு இவர்களது திருமண நிச்சயதார்த்தத்திற்கு வர முடியாத நிலை. சரியாக அவன் அந்த நேரத்திற்கு மும்பை
செல்ல வேண்டிய நிர்பந்தத்தில் மாட்டிக் கொண்டான். அது மட்டும் காரணம் என்று சொல்ல முடியாது. எத்தனையோ முறை அவன் திருமணத்திற்கு கேட்டுக் கூட நந்தனா பிடி கொடுக்காமல் நழுவிக் கொண்டே இருக்கிறாள். அவள் மனதில் என்ன நினைத்திருக்கிறாள் என்பது ராமிற்கு புரியவில்லை.

இவனை தேடி தேடி ஓடி வந்து காதல் செய்த நந்தனாவை தேடி
களைத்து விட்டான் ராம்.அவளை எப்படியாவது திருமண உறவுக்குள் அழைத்து வந்துவிட அவன் மனம் துடிக்கிறது.

சமீப காலமாக அவள் சரியாக இவனுடன் பேசுவதும் இல்லை. தன் வசம் இழந்த நிலைமையில் தன்னை அவளிடம் ஒப்பு கொடுத்துவிட்டு ஏங்கி தவித்துக் கொண்டிருந்தான் அந்த காதலன்.

'அவளுக்கு தன் மீதான காதல் குறைந்து விட்டதா 'என்ற சந்தேகம் ராமின் மனதை அரிக்க தொடங்கியது. இந்த மனோநிலைமையில் மற்றவர்கள் வீட்டு சந்தோஷத்தில் கலந்து கொண்டு, முழு மனதாக அதில் ஈடுபட முடியும் என்ற நம்பிக்கை அவனுக்கு இல்லை. அதே சமயம் வீட்டில் இருந்து அழைப்பு வரவும் இதுதான் தருணம் என்று கிளம்பி விட்டான்.

அவன் வீட்டிற்கு போன சமயம், அவனது சித்தப்பா மகள் 'தான் ஒருவரை காதலிப்பதாக வந்து நிற்க' பையனின் குடும்பம் ராஜஸ்தான் மாநிலத்தில் கோலோச்சும் தொழில் குடும்பம். ராமின் குடும்பத்தை விட எவ்வளவோ மடங்கு பணக்காரர்கள்.ராஜ வம்சாவளி.இரு தரப்பிலும் ஒப்புக்கொள்ளப்பட ராமின் வீட்டில் அவன் சித்தப்பா மகளுக்கு திருமணம் பேசி முடிக்கப்பட்டது. தங்கையின் திருமண நிச்சயம் அவன் மனதில் குதூகலத்தை ஏற்படுத்தியது. தானும் கூட எப்படியாவது சீக்கிரம் நந்தாவிடம் பேசி திருமணத்திற்கு ஏற்பாடு செய்தாக வேண்டும் என்று மனதிற்குள் குறித்து வைத்துக் கொண்டான்.

இப்பொழுது வீட்டில் சம்மதிப்பார்களா என்று பயமோ, தயக்கமோ அவனுக்குள் இல்லை. காதலிக்கிறேன் என்ற பெண் இன்று கண்ணாமூச்சி ஆடுவது தான் அவனுக்கு பயத்தை விதைத்திருந்தது. அவன் யோசிக்காமல் விட்ட ஒன்று, இன்றுவரை அவனுக்கு நந்தாவின் குடும்பம் பற்றிய பரிச்சயம் இல்லை என்பதை.

மிக
எளிதாக இவள் இல்லை என்றால் மற்றொருவள் என்று மனதால் கூட அவனால் நினைக்க முடியவில்லை. இது சரி வராது என்று தயங்கி ஓடியவன் தான் அவன். ஆனால் அவளைத் தொட்ட பிறகு, அவளுடன் கணவன் மனைவி போல் அந்தரங்க உணர்வுகளை பகிர்ந்து கொண்டவனால் மற்றொரு பெண்ணை அவனால் தன் வாழ்க்கைக்குள் நுழைய அனுமதிக்க முடியுமா என்று அவனுக்கு அவனே பலமுறை கேள்வி கேட்டுக் கொண்ட பிறகும் அவனது விடை முடியாது என்பதுதான்.

இது எது பற்றியும் கவலைப்படாமல் நந்தனா தனது வேலைகளில் தன்னை முழுமனதோடு ஈடுபடுத்திக் கொண்டு விட்டாள். அவளைப் பொறுத்தவரை அவளை துரத்தும், மோசமான நிலை, குடும்பத்தில் அவளை ஒதுக்கி வைத்த அவளது பிறப்புக்கான ரகசியம், இவற்றையெல்லாம் படிக்கட்டுகள் ஆக்கி மிக உயரிய நிலையை அடைய வேண்டும் என்று ஆக்ரோஷமான போராட்ட நிலையில் அவள். அவள் மனது சரி தவறு என்பதற்கு எல்லாம் இப்பொழுது இடம் கொடுப்பதில்லை.

அதற்காக எந்த விலை கொடுப்பதற்கும் அவள் தயார் தான்! தன் காதலை பலியிடவும் அவள் தயங்க போவதில்லை. முன்பெல்லாம், ராம் அவனைப் பார்க்காத நேரம் துக்கத்தில் கலந்து கொண்டு இருந்தது. ஆனால் வேலைக்குச் சென்ற பிறகு, அவளது எண்ண ஓட்டம் முழுமையும் வேறு விதத்தில் மாறிவிட்டது. அவளது அழகை ஆராதிக்கும் சில ஆண்களுக்கு, கண் பார்வையால் தூண்டில் போடும் ஆண்களுக்கு அவள் பதிலடி கொடுப்பதற்கு பதிலாக, அந்தப் பார்வையை தனக்கு
சாதகம் ஆக்கிக் கொள்வதற்கான வழிமுறைகளை யோசிக்க ஆரம்பித்து விட்டாள். இன்றுவரை அவளை நெருங்கும் வாய்ப்பை மட்டும் அவள் யாருக்கும் தரவில்லை. ஒரு மாயக்கோட்டை அவளே போட்டிருந்தாள். அதை அவளே மீறினால்தான் உண்டு.

தனிமை நேரங்களில் எல்லாம் அவள் ராமை பற்றி ஒரு நொடியாவது சிந்தித்து இருக்க வேண்டும். ஆனால் காதல் என்ற நிலை இப்பொழுது அவளைப் பொறுத்தவரை ஈர்ப்பு என்ற நிலையில் வந்து நிற்கிறது.

ராம் தன்னை புரிந்து கொண்டு விலகி சென்று விடுவான் என்று நந்தனா நினைத்துக் கொண்டிருக்க, அந்த விடிகாலைப் பொழுது வாசலில் இருக்கும் காலிங் பெல் அவளை அழைத்தது.

இந்த நேரத்தில் யார் என்று யோசனையுடன், கனவில் பதிந்திருக்கும் கண்ணாடி வழியாக வெளியே பார்த்தவளுக்கு அதிர்ச்சி தான் இருந்தது. காரணமாக நின்று கொண்டிருந்தவன் ராம். முகம் முழுவதும் சந்தோஷத்தை பூசிக்கொண்டு வாயிலில் நிற்பவனை , என்ன என்று சொல்லி சரி செய்வது என்ற யோசனையுடனே கதவை திறந்தாள் நந்தா.

அவனை உள்ளே வருவதற்கு அனுமதி அளித்த ஒரு முகத்தில் சத்தியமாய் அவனைக் கண்டுவிட்ட சந்தோஷம் இல்லை. சிந்தனையில் அவனுடன் ஹால் வரையிலும் வந்தவள் அவனை உட்கார சொல்லிவிட்டு தனது அறைக்குச் சென்று காலை கடன்களை முடித்து விட்டு வந்தாள்.

காபி குடித்தவன்,
" இன்னிக்கு ஆபிஸ் லீவு போட முடியுமா நந்தா.. " என்று அவள் முகத்தை பார்த்தான்.

அவளுடன் இருக்க வேண்டும் தனிமையை இனிமையாக்கி கொள்ள வேண்டும் என்று எதிர்பார்ப்பு அப்பட்டமாக அவன் குரலில் தெரிந்தது.

சட்டென்று முகத்தை மாற்றிக் கொண்டவள், "சாரி டார்லிங், நீ முன்னமையே சொல்லி இருந்தா லீவு ட்ரை பண்ணி இருக்கலாம். பட் இப்போ நாட் பாசிபிள். நீ ஒன்னு பண்ணு... நீ ஃப்ரெஷ் ஆயிட்டு இங்கேயே ஸ்டே பண்ணிக்கோ. ஈவினிங் மீட் பண்ணலாம் "
என்ற வள் அவசரமாக அடுக்களைக்குள் புகுந்து கொண்டாள்.
அவசரகதியில் வேலைகளை முடித்துவிட்டு அவள் அலுவலகம் கிளம்பும்போது, அவள் மீது ராமிற்கு பரிதாபம் தான் வந்தது.

" என்னோட ஆபீஸ்லே ஜாயின் பண்ணிக்கோன்னு நான் தான் சொல்றேனே!இந்த பொண்ணு ஏன் கேக்க மாட்டேங்குறா... என்று மனதிற்குள் கடிந்து கொண்டவன் வெளியில் வாய் திறந்து எதுவும் சொன்னான் இல்லை.

கொஞ்சம் கொஞ்சமாகத்தான் அவளைத் தன் வழிக்கு கொண்டுவர வேண்டும் என்று நினைத்துக் கொண்டவன், பெண் கிளம்பும் முன் அவளை கட்டி அணைத்து, இதழ் ஒற்றுதலில் மெல்ல அவளை கரைத்தான்.

அலுவலகத்திற்கு தனது காரை ஓட்டிக்கொண்டு செல்பவளுக்கு, கால்கள் நடுங்கியது .ராம் எதற்கு வந்திருக்கிறான் என்று ஓரளவு புரிந்து விட்டது. அவனுக்கு தேவையான பதிலை சொல்வதற்கு அவளால் முடியாது.
"கல்லூரி கால காதலை இவ்வளவு சீரியஸாக எடுத்துக் கொண்டு இவன் ஏன் இங்கு வந்து என்னை படுத்துகிறான் என்று நினைத்துக் கொண்டாள். "
நிஜத்தில் அவனது காதல் இப்பொழுது அவளுக்கு தேவை இருக்கவில்லை.

அவனை சுற்றுச்சுற்றி வந்து வளைத்ததும், கேரளாவில் அவர்களுக்குள் நடந்த விஷயங்களும், இறுதியாக நெற்றி உச்சியில் தேவியை சாட்சியாக வைத்து, அவன் வைத்து விட்ட குங்குமம் கூட அவள் நினைவு அடுக்குகளில் இல்லை.

எதை நோக்கி ஓடிக் கொண்டிருக்கிறோம் என்று தெரியாமல் அவளது ஓட்டம். அவனது காதல் உண்மை தான் என்று நம்பும் அளவிற்கு மனிதர்கள் அவளிடம் பழகவில்லை.அவளை மனிதர்களை நம்பவும் அவள் சூழ்நிலை அனுமதிக்கவில்லை.

அவளைப் பொறுத்தவரை திருமணம் என்பது, வெறும் உடல்களின் கூடலுக்கான சமூக லைசென்ஸ். அது இல்லாததால் எதுவும் தவறாகி போய்விடப் போவதும் இல்லை. இது போன்ற நினைவுகள் ஏன் அவளுக்குள் புகுந்தது என்பது கேள்வியே!

தனிமை பழகி விட்டவளுக்கு ராமுடனான உறவு பாரம். இதை எப்பாடுபட்டாவது அவனுக்கு புரியவைக்கவேண்டும் என்று முடிவு செய்துக்கொண்டாள்.

ஆனால் அலுவலகத்தில், அவள் முற்றும் எதிர்பார்க்காத ஒன்று நடந்து விட்டது. அவள் செய்து கொடுத்திருந்த ப்ராஜெக்ட், சந்தையில் பெரும் வரவேற்பை பெறும் என்று அவள் நினைத்திருக்க அதுவோ படு பாதாள தோல்வி அடைந்திருந்தது. நிறுவனத்தில் அதுவரை அவளை ஆகா ஓகோ என்று புகழ்ந்து கொண்டிருந்த பலர் அவள் இருக்கும் பக்கத்திற்கு கூட
அன்று சொல்லவில்லை. அவளது டிபார்ட்மென்ட் ஹெட் அவளை கூப்பிட்டு, வேலையை ராஜினாமா செய்து விட்டு செல்லும்படி பணித்தார். அடுத்தடுத்த நிலைகளை எட்டிப் பிடிக்க வேண்டும் என்று நினைத்திருந்த பெண்ணுக்கு இது பலமான அடிதான்!
சிறிது நேரம் தனது இடத்திலேயே மௌனமாய் அமர்ந்திருந்தவள், அடுத்து என்ன என்று யோசிக்க ஆரம்பித்து விட்டாள்.

இந்தப் தோல்வியை அவளால் ஒப்புக்கொள்ள இயலவில்லை. எங்கு எது காரணமாக அமைந்திருக்கும் என்று அவளுக்கு தெரியவில்லை. ஆனால் மோசமான தோல்வி. ஜீரணிக்க முடியவில்லை.

இவ்வளவு உழைத்தும் ஏன் இப்படி என்று மறுகிய பெண்ணுக்கு தெரியவில்லை துரோகத்தின் நிறம் வேறு என்று.

நந்தநாவின் வீட்டில் இருந்தபடிக்கே லேப்டாப் வைத்துக்கொண்டு தனது வேலைகளில் மூழ்கி போனான் ராம். அவள் சமைத்து வைத்த உணவு போறவில்லை என்று ஆன்லைன் ஆர்டரில் தருவித்து உண்டுவிட்டு மீண்டும் வேலையில் மூழ்கியவனுக்கு மீண்டும் இரவு ஏழு மணிக்கு திடீரென ஞாபகம் வர பிரிட்ஜ்ல் இருப்பவற்றை வைத்து இரவு உணவுக்கு ஏற்பாடு செய்தான்.

வேலைக்கு சென்ற பெண் இன்னும் வரவில்லை. இரவு மணி ஒன்பதை நெருங்க அவளை அலைபேசியில் மீண்டும் மீண்டும் அழைத்து பார்த்து சோர்ந்தவனாக, அவளை தேடி கிளம்ப எத்தனிக்கையில் கார் பார்க்கிங்கில் அவளது வாகனம் தனது தரிப்பிடத்தில். அதன் அருகில் சென்று பார்த்தவனுக்குள் மிஞ்சிய கோவம் தான். தன்னிலை கெட்டு முழு போதையில் நந்தா. எப்படி வந்து சேர்ந்தாள் என்றே ராமுக்கு விளங்கவில்லை. ஒருவழியாக அவளை லிப்ட்டில் ஏற்றுவதற்குள் அவனுக்கு ஆயாசமாகிவிட்டது.

நந்தா இதை எப்பொழுது பழகிக்கொண்டாள் எண்டு தெரியவில்லை. என்ன ஆயிற்று இவளுக்கு என்று தவித்துப்போனான் ராம். ராம் குடும்பத்தை பொறுத்தவரை குடி, புகை போன்றவற்றை பயன்படுத்தினால் வீட்டை விட்டு தள்ளி வைக்கும் அளவுக்கு கட்டுப்பாடுகள் உண்டு. இது, இன்று இவளை இப்படி பார்க்க நேரிடும் என்று அவன் நினைக்கவில்லை.

அவளது அறைக்கு கூட்டி சென்று அவளுக்கு இரவு உடை அணிவித்தவன் சூடாக ரசம் சோறு கரைத்து வந்து அவளுக்கு புகட்டினான். அவன் செய்வது ஏதும் தெரியாத நிலையில் பெண்.

ஒரு முடிவுக்கு வந்தவனாக ஹாலில் சோஃபாவில் படுத்தவனுக்கு இரவு உறக்கம் காணாமல் போயிட்டு. எங்கே சறுக்கினேன் என்று யோசித்தவாறே இரவை கழித்தவனுக்கு தெரியாது, இது நிரந்தரம் ஆகும் ஆபாயம் உண்டு என்று.
 

Members online

No members online now.

Latest Updates

Buy TANJORE PAINTING @ ETSY.COM
Top